Актор Хабенскі трапіў у базу ўкраінскага «Міратворцы»
6- 15.07.2018, 14:45
- 16,660
Расейскі актор парушыў межы Украіны пры наведванні акупаванага Крыма.
14 ліпеня расейскага актора Канстанціна Хабенскага ўнеслі ў базу звестак сайта «Міратворац». «Свядомае парушэнне дзяржаўнай мяжы Украіны з мэтай пранікнення ў захоплены расейскімі акупантамі Крым. Удзел у прапагандысцкіх мерапрыемствах Расеі (краіна-агрэсар)», - гаворыцца ў паведамленні.
На старонцы «Міратворцы» адзначаецца, што Хабенскі ў ліпені 2018 года браў удзел на паўвостраве ў фэсце «Пунсовыя ветразі «Артэка».
У сакавіку 2014 года Хабенскі заяўляў: «Я падтрымліваю Украіну і асуджаю [прэзідэнта РФ Уладзіміра] Пуціна». Сайт валанцёрскага цэнтра «Міратворац» дзейнічае з вясны 2014 года. Актывісты заяўляюць, што ўносяць у базу праекта памагатых тэрарыстаў Данбаса і тых, хто трапляў у акупаваны Крым насуперак украінскім законам.