Затрыманая ў ЗША грамадзянка РФ Буціна была ўдзельніцай праекта «Наваросіі»

Расейку затрымалі ў ЗША паводле падазрэння ў змове і вядзенні дзейнасці ў інтарэсах замежнай дзяржавы.

Грамадзянка Расеі Марыя Буціна, якую затрымалі ў Вашынгтоне паводле падазрэння ў працы агентам на Маскву, брала ўдзел ва ўстанаўленні акупацыйнай улады ў Крыме ў 2014 годзе, а таксама была ўдзельніцай праекта "Наваросіі". Пра гэта аналітык Вадзім Лабас напісаў у блогу на сайце Enigma, піша gordonua.com.

Аналітык адзначыў, што ў 2009 годзе Буціна наведала ўсерасійскі фестываль "Селігер", на якім вялі падрыхтоўку "сепаратысцкіх лідараў" ва Украіне, і дзе ўпершыню з'явіўся сцяг "ДНР".

"Ужо праз год Марыя стварыла арганізацыю “Грамадская бяспека і парадак" і актыўна ўдзельнічала ў збройным жыцці РФ. У 2011-м на базе сваёй грамадскай арганізацыі Марыя стварае рух "Права на зброю", які неўзабаве становіцца флагманам барацьбы за дазвольную сістэму на кароткарулевай зброі. Праз кароткі час "Права на зброю" становіцца палітычным праектам", - піша Лабас.

Пасля акупацыі Крыму Буціна займалася праектам "Наваросіі" на Данбасе, адзначае аналітык. "Пасля канчатковага разгрому праекта "Наваросіі" Буціна трапляе пад крыло намесніка старшыні Цэнтрабанка Аляксандра Торшына, які ў гэты час становіцца ганаровым чальцом арганізацыі "Права на зброю". І ўжо ў пачатку 2016 года яе пасылаюць у ЗША ўплываць на палітычныя колы", - распавёў аналітык. Ён дадаў, што Буціна з'яўляецца ганаровым чальцом Усеўкраінскай асацыяцыі ўладальнікаў зброі (УАУЗ).

29-гадовую Буціну затрымалі 15 ліпеня ў Вашынгтоне. Паводле звестак следства, пачынаючы з 2015 года і як мінімум да лютага 2017 года яна дзейнічала ў ЗША на загад высокапастаўленага расейскага чыноўніка, які быў чальцом парламента РФ, а затым працаваў у Цэнтральным банку Расеі. У красавіку 2018 гады ён трапіў пад амерыканскія санкцыі.