Паліцыя Італіі знайшла выкрадзеныя карціны Рэнуара і Рубэнса
- 21.07.2018, 13:51
- 8,667
Паліцыя выявіла карціны на складзе ў італьянскім Турыне.
Паліцыя Італіі выявіла дзве карціны вядомых мастакоў П'ера Рэнуара і Пітэра Рубэнса, якія былі выкрадзеныя ў 2017 годзе. Пра гэта паведамляе Associated Press.
Карціны ўдалося знайсці на складзе ў італьянскім Турыне. Выкрадзеныя работы паказалі журналістам у пятніцу ў горадзе Монца. Паводле версіі следчых, працы ў арт-дылераў выкралі злодзеі, якія выдавалі сябе за пакупнікоў.
Выкрадальнікі падпісалі фальшывы кантракт на €26 млн, а калі гандляры страцілі пільнасць, злачынцы выхапілі карціны і ўцяклі. У справе аб выкраданні твораў мастацтва ёсць восем падазраваных, сярод якіх чатыры італійцы і харват, арыштаваны ў мінулым месяцы.