The Daily Mail апублікавала фота раскошнага самалёта Пуціна
42- 22.07.2018, 18:20
- 35,801
Унутры судна можна ўбачыць залатую прыбіральню, ложак каралеўскіх памераў, спартыўную залу і многае іншае.
У інтэрнэце апублікавалі здымкі раскошнага самалёта прэзідэнта Расейскай Федэрацыі Уладзіміра Пуціна.
Адпаведныя здымкі апублікавала выданне The Daily Mail, піша apostrophe.ua.
Адзначаецца, што кіраўнік Крамля мае ў сваім распараджэнні чатыры прыватныя самалёты, у тым ліку авіялайнер Іл-96, кошт якога складае амаль 380 млн фунтаў (13,5 млрд грыўняў). Авіясудна мае адмысловую сістэму, якая робіць яго не такім прыкметным для радараў, і палепшанай сувяззю.
Са звестак выдання, самалёт Пуціна мае пашыраны фюзеляж і вялікую даўжыню. Хоць экстэр'ер мае той жа выгляд, як і базавая мадэль, аднак салон яго ўпрыгожаны габеленамі і залаты аздабленнем.
Так, усярэдзіне судна можна ўбачыць залаты туалет, ложак каралеўскіх памераў, спартыўную залу, раскошную ванную, прасторны офіс і вялікую колькасць розных аздоб - да прыкладу, у канферэнц-зале стол мае залатое пакрыццё, а вакол яго крэмавыя скураныя крэслы.