«Магілёў стаў Венецыяй»: з'явіліся новыя фота патопу

Затопленыя месцы ёсць амаль у кожным раёне горада.

Учорашнія вечар і ноч прынеслі магілёўцам масу праблемаў: у горадзе пачалася сур'ёзная залева, паведамляе mogilev.online.

Патоп закрануў у першую чаргу тых, каму неабходна было некуды ехаць, паколькі ўсталі аўтобусы і тралейбусы, а легкавушкі і зусім затапіла – кагосьці да верхняй часткі колаў, а кагосьці і вышэй.

«Бабуліна крышка, Габраўская, Астроўскага каля Грына мора па пояс. Шмат дам на аварыйках. Лепш пасядзець дома гэты вечар» – раіць падпісантам телеграм-канала «ДПС Магілёў».

Затопленыя месцы ёсць амаль у кожным раёне горада. Жыхары ўжо шукаюць згубленыя нумары, аб'явы пра якія сталі з'яўляцца ў сетцы.