Дар'я Домрачава трапіла ў ДТЗ у Менску

Вядомая біятланістка спрабавала заехаць у двор «Цэнтральнага».

Дар'я Домрачава трапіла ў аўтааварыю, калі спрабавала заехаць у двор «Цэнтральнага» ў Менску.

Здарэнне адбылося ўвечары 23 ліпеня ў арцы з боку Кастрычніцкай плошчы. Улетку 2018 там усталявалі боларды (дарожныя слупкі), пра што Домрачава не ведала, перадае «Еўрарадыё».

Аўтамабіль BMW X6 Домрачавай падарылі на дзень нараджэння ў 2012 годзе. Паведамлялася, што падарунак яна атрымала ад федэрацыі біятлона, фундатараў, заўзятараў і аўтакампаніі BMW.