У Польшчы імкліва расце ўзровень прамысловасці

Аб'ёмы прамысловай вытворчасці ў краіне-суседцы Беларусі павялічыліся на 10,3%.

Аб'ёмы прамысловай вытворчасці ў Польшчы ў ліпені павялічыліся на 10,3% у параўнанні з аналагічным перыядам мінулага года. Як перадае «Радыё Польшча», пра гэта паведаміла Галоўная статыстычная ўправа. Са звестак установы, аб'ём будаўніча-мантажнага вытворчасці павялічыўся на 18,7% у параўнанні з ліпенем мінулага года.

Галоўны эканаміст банка Societe Generale ў Польшчы Яраслаў Янецкі адзначае, што аб'ёмы прамысловай вытворчасці ў ліпені павялічваліся хутчэй, чым прагназавалася большасцю экспэртаў.

«Такая дынаміка развіцця прамысловай вытворчасці не можа не радаваць, тым больш, што назіраецца яна ў перыяд адпачынкаў. Гэта стала магчымым дзякуючы выдатным вынікам у вытворчасці тэхнікі і абсталявання, металічнай прадукцыі, а таксама транспартнага абсталявання. Гэта асноўныя галіны, якія гарантуюць бесперапынны рост аб'ёмаў вытворчасці», - адзначыў эканаміст.

У чэрвені аб'ёмы прамысловай вытворчасці ў Польшчы павялічыліся на 6,8% у параўнанні з аналагічным перыядам мінулага года.