Лінас Лінкявічус: Молатаў усё яшчэ чакае свайго Рыбентропа
1- 22.08.2018, 14:45
- 9,076
Кіраўнік МЗС Літвы заклікаў Захад рэагаваць на ўрокі гісторыі.
На міжнароднай канферэнцыі ў Вільні міністр звярнуў увагу на гадавіны акупацыі Прагі і Грузіі - з ягоных слоў, «тыя ж самыя інструкцыі», а таксама «тыя ж самыя танкі, тыя ж самыя метады задушвання свабоднай волі» выкарыстоўваюцца і ў Крыме, і ва ўсходняй Украіне, паведамляе delfi.lt.
«Сумна, што нашы суседзі атрымліваюць асалоду ад беспакаранасці, адсутнасці ўстойлівасці, прадаўжаюць палітыку, якая, як я ўжо нагадаў, прадаўжалася 50 гадоў, выкарыстоўваюцца тыя ж самыя інструкцыі.
Цяпер, калі мы адзначаем гадавіну іншых падзей, спасылак, абумоўленых пактам Рыбентропа-Молатава, важна сказаць зноў тое, што я часам кажу: Молатаў усё яшчэ жывы і чакае свайго Рыбентропа», - сказаў міністр.
23 жніўня 1939 года Нямеччына і СССР таемна дамовіліся аб падзеле Усходняй Еўропы.
Гэты падзел атрымаў сваю назву паводле імёнаў тагачасных міністраў замежных спраў Нямеччыны і СССР Іяхіма фон Рыбентропа і Вячаслава Молатава. Л. Лінкявічус таксама сказаў, што Захаду трэба ўвесь час нагадваць сабе пра недахоп лідарства пры рэагаванні на выклік, а не проста «рэфлексаваць з нагоды парадку дня, навязанага кімсьці іншым».
«Гэта патрабуе мабілізацыі нашых сіл, розуму і дзеянняў, я не сумняваюся, што мы гэта зробім», - выказаў надзею міністр.