Названыя найлепшыя смартфоны года

Эксперты склалі спіс найлепшых смартфонаў, выпушчаных у 2018 годзе.

Пра гэта паведамляе партал ria.ru са спасылкай на Business Insider.

Адной з навінак, на якія, на думку аўтараў артыкула, "варта выдаткавацца", стаў кітайскі OnePlus 6. Бясспрэчнымі добрымі якасцямі смартфона сталі якасная камера, працэсар Qualcomm Snapdragon 845 і шэсць гігабайтаў аператыўнай памяці. Спецыялісты таксама адзначылі, што ў гаджэт убудаваны акумулятар з тэхналогіяй хуткай зарадкі. Яшчэ адзін плюс прылады – адмысловая версія Android пад назвай Oxygen OS.

Эксперты таксама звярнулі ўвагу на Galaxy Note 9 – новы прадукт ад Samsung з 6,4-цалевым OLED-дысплэем, магутным акумулятарам і добрай камерай. Прылада абсталяваная вялікім аб'ёмам убудаванай памяці – да 512 гігабайт. Акрамя таго, у камплект уваходзіць абноўлены стылус S Pen.

У пяцёрку найлепшых трапіў і іншы флагман карэйскай кампаніі – Samsung Galaxy S9, які стаў, на думку аўтараў, самым прыгожым з існых смартфонаў. Як піша Business Insider, Galaxy S9 "атрымаў усё": вялікі OLED-дысплэй, выдатную камеру, убудаваны манітор сардэчнага рытму, сканер адбіткаў пальцаў і функцыю распазнання твараў, хуткую зарадную прыладу, а таксама бесправадны акумулятар.

Адным з фаварытаў партала стаў LG G7 Thinq, "які нагадвае Android-версію iPhone X, але на некалькі сотняў даляраў таннейшы". У ліку пераваг смартфона аўтары рэйтынгу паказалі 6,1-цалевы дысплэй, вільгацеахову, якасныя дынамікі, камеру з ультрашырокім аб'ектывам, працэсар Qualcomm Snapdragon 845 і бесправадны акумулятар.

Яшчэ адной годнай увагі навінкай эксперты назвалі Moto G6 ад Motorola – самы бюджэтны гаджэт з спісу. Яны адзначылі вялікі 5,7-цалевы дысплэй, магутную і хуткую зарадную прыладу і добрую камеру.