Беларуска стала найлепшай на ЧС у сучасным пяцібор'і
1- 13.09.2018, 9:59
- 7,734
Анастасія Пракапенка здабыла залаты медаль на чэмпіянаце свету ў Мехіка.
Беларуска Настасся Пракапенка здабыла залаты медаль на чэмпіянаце свету ў сучасным пяцібор'і ў Мехіка, паведамляе БелТА.
Пасля трох тыпаў праграмы (плавання, фехтавання і верхавой язды з пераадоленнем перашкод) асноўная барацьба за месцы ў прызавой тройцы была ў кросе і стральбе.
Анастасія Пракапенка набрала 1 336 балаў за выступы і здабыла залатую ўзнагароду. Срэбным прызёрам стала Аніка Шлеў з Нямеччыны - 1 332 балы. На трэцюю прыступку п'едэстала гонару ўзнялася французка Марыя Атэйза - 1 329 балаў. Для Анастасіі Пракапенкі гэта другі залаты медаль чэмпіянату свету ў Мехіка. Раней ёй удалося разам з Ірынай Прасянцовай заняць першае месца ў эстафеце.