Самы хуткі чалавек Усэйн Болт правёў з астранаўтамі забег у бязважкасці
- 13.09.2018, 12:41
- 7,491
Забег праходзіў на спецыяльным самалёце для навуковых даследаванняў.
Васьміразовы алімпійскі чэмпіён і 11-разовы чэмпіён свету ў бегу Усэйн Болт, якога называюць самым хуткім чалавекам на Зямлі, правёў забег у бязважкасці.
Адпаведнае відэа ямайскі спартовец апублікаваў на сваёй старонцы ў Twitter, піша «Новое время».
Незвычайнае спаборніцтва з яшчэ двума астранаўтамі правялі на борце спецыяльнага самалёта, здольнага імітаваць бязважкасць для навуковых даследаванняў.
Running in Zero Gravity @GHMUMM. #DareWinCelebrate #NextVictory 🚀 pic.twitter.com/5P5CACcLOx
— Usain St. Leo Bolt (@usainbolt) 12 сентября 2018 г.
Changing the game @GHMUMM. Celebrating life by drinking @GHMUMM in Zero Gravity 🚀 #DareWinCelebrate #NextVictory pic.twitter.com/A3FNqAn16f
— Usain St. Leo Bolt (@usainbolt) 12 сентября 2018 г.
Cвою кар'еру бягуна Болт скончыў у жніўні 2017 года пасля траўмы на Чэмпіянаце свету ў лёгкай атлетыцы ў Лондане.
Пасля гэтага дзейны рэкардсмэн у бегу на дыстанцыі 100 і 200 метраў наважыў паспрабаваць сябе ў футболе.
