Зонд NASA дабраўся да «Краю свету» і паказаў яго першае фота

New Horizons ляцеў да астэроіду 13 гадоў.

Зонд NASA New Horizons праляцеў міма самага далёкага аб'екта ў Сонечнай сістэме, да якога калі-небудзь дабіраліся зямныя апараты, і адправіў на Зямлю яго першыя фота. Пра гэта паведамілі ў NASA на прэс-канферэнцыі, паведамляе liga.net.

«Мы толькі што атрымалі сігнал, які пацвярджае пралёт New Horizons міма Ultima Thule. Навука дапаможа нам вывучыць нашу Сонечную сістэму», - пад апладысменты заявілі ў NASA.

Адразу пасля пацверджання інфармацыі:

Ultima Thule (Край свету - рэд.) - транснептунавы астэроід з пояса Койпера, які знаходзіцца за 6,5 млрд км ад Сонца (ад Зямлі да Сонца прыблізна 150 млн км). Ён уяўляе сабой абломак няправільнай формы дыяметрам блізу 30 км. Таксама вядома, што паверхня астэроіда чырвоная - імаверна, праз насычанасць вуглевадародамі.

New Horizons ляцеў да астэроіда 13 гадоў. Першай місіяй Гарызонтаў было вывучэнне Плутона з яго натуральным спадарожнікам Харонам. У далейшым апарат праляцеў таксама міма Юпітэра і паспяхова выканаў гравітацыйны манеўр ў яго поле прыцягнення.

Цяпер жа Новыя Гарызонты ўваходзяць на задворкі Сонечнай сістэмы - у пояс Койпера, які насычаны «рэшткавым матэрыялам» ад фармавання Сонечнай сістэмы - па большай частцы малымі касмічнымі целамі, якія складаюцца з метану, аміяку і вады.

Так з Гарызонтаў выглядаў Ultima Thule 31 снежня:

Адзначаецца, што звесткі з зонда да Зямлі даходзяць з хуткасцю ўсяго 1000 біт/с.

Увогуле місія New Horizons разлічаная на 15-17 гадоў.