Як намеснік міністра працы запярэчыў Лукашэнку

Чыноўнік заявіў, што праца - гэта асабісты выбар чалавека.

У інтэрв'ю БелТА першы намеснік міністра працы і сацыяльнай абароны Андрэй Лабовіч зрабіў цікавую заяву, піша «Салідарнасць».

Калі чыноўніка папрасілі рэзюмаваць, што кампенсаваць аплату ЖКП цалкам давядзецца тым, хто хавае свае рэальныя даходы, працуючы нелегальна, а таксама тым, хто не хоча працаваць, маючы для гэтага магчымасці, намеснік міністра адказаў:

- Дакладна. Прычым ніхто не кажа пра прымус да працы: кожны вольны выбіраць, працаваць яму ці не. Але калі бюджэт чалавека дазваляе яму нічым не займацца, чаму дзяржава павінна, хай і часткова, браць на сябе аплату ягоных жыллёва-камунальных паслуг? Гэта значыць марнаваць на яго грошы сумленных падаткаплатнікаў.

Цікава, што ў частцы выказвання аб добраахвотным характары працы Андрэй Лабовіч фактычна паўтарыў словы незалежных юрыстаў, якія намагаюць на тым, што «дармаедскія» дэкрэты парушаюць Канстытуцыю, якая гарантуе беларусам права на працу, але забараняе прымусовую.

Успомнім і словы дыктатара, які ў лістападзе 2017 года заявіў, што «тых, хто хоча туды-сюды мешкаваць, і без дэкрэта №3 прымусім працаваць».