На гарналыжным курорце Куршавелі ўспыхнуў пажар
- 20.01.2019, 14:27
- 8,640
Загінулі два чалавекі.
Два чалавекі загінулі і больш за 20 атрымалі траўмы ў выніку буйнога пажару на гарналыжным курорце Куршавелі ў французскіх Альпах.
Пра гэта паведамляе AFP (пераклад - eurointegration.com.ua).
Пажар адбыўся на світанні, праз яго эвакуявалі блізу 60 супрацоўнікаў курорта, уключаючы замежнікаў, з трохпавярховага жылога дома.
Пажарныя знайшлі два целы ў згарэлай частцы будынка. Чатыры чалавекі атрымалі сур'ёзныя траўмы, трое з іх адправілі верталётам у шпіталь.
Incendie à Courchevel: deux morts, trois blessés graves et 10 blessés légers pic.twitter.com/DBTD9KwAAj
— BFMTV (@BFMTV) 20 января 2019 г.
Сведкі расказваюць, што пажар пачаўся блізу 5-й раніцы, а людзям давялося скакаць з вокнаў дзеля выратавання. У будынку жылі сезонныя работнікі, у асноўным моладзь.
Прычына пажару пакуль невядомая, амаль 70 пажарных здолелі патушыць агонь да раніцы.
Мясцовая паліцыя раніцай паведаміла, што агулам пацярпеў 21 чалавек, сярод іх некалькі замежнікаў.
Куршавель - адзін з самых прэстыжных гарналыжных курортаў свету, знаходзіцца ва Французскіх Альпах. Ён мае 11 пяцізоркавых гатэляў і з'яўляецца адзіным гарналыжным курортам у Францыі, дзе ёсць гатэль з 6-м зорным рэйтынгам.
