Сямікласнік менскай гімназіі збірае марсаход
2- 21.01.2019, 18:59
- 11,477
Дэталі для яго ён друкуе на 3D-прынтары.
Навучэнец гімназіі №6 Дзіма Максімук сёлета заваяваў 1-е месца на рэспубліканскім конкурсе JuniorSkills у намінацыі «Прататыпавання» і атрымаў заахвочванне спецыяльнага фонду кіраўніка Рэспублікі Беларусь у сацыяльнай падтрымцы адораных навучэнцаў і студэнтаў у 2018-2019 навучальным годзе, паведамляе «Минск-Новости».
Дзіма займаецца ў гуртку «Прататыпавання» ў Менскім дзяржаўным Палацы дзяцей і моладзі. Ён асвоіў кампутарныя праграмы, якія дазваляюць друкаваць любыя дэталі і вырабы на 3D-прынтары.
Асаблівасць марсахода - колавая база. Чатыры колы, на якіх едзе машына, могуць прымаць любое становішча - вертыкальнае і гарызантальнае паверхні. Такая машына можа крануцца з месца ў любым кірунку.
Дзіма з выкладчыкам вывучылі, якія тэхнічныя праблемы ёсць у дзейных марсаходаў. Адна з іх - пакрыццё для колаў. Дзіма для сваёй мадэлі абраў так званыя колы з памяццю. Яны пакрытыя адмысловым матэрыялам, які выгінаецца пры наездзе на перашкоду, але потым прымаюць ранейшую форму.