Трамп намінаваны на «Залатую маліну» як горшы актор

Прэзідэнт ЗША намінаваны на прэмію за ролю ў дакументальных карцінах «Смерць нацыі» і «Фарэнгейт 9/11».

Прэзідэнт ЗША Дональд Трамп намінаваны на антыпрэмію «Залатая маліна» (Razzie Award), якую ўручаюць за горшыя працы ў кіно. Спіс намінантаў размешчаны на сайце прэміі, паведамляе gordonua.com.

Кіраўнік Белага дома прэтэндуе на званне горшага актора за ролі ў дакументальных фільмах «Смерць нацыі» рэжысёра Дзінеша Д'Соузы і «Фарэнгейт 9/11» Майкла Мура.

Канкурэнцыю Трампу складуць акторы Джоні Дэп («Шэрлак Гномс»), Уіл Фарэл («Холмс & Ватсан»), Джон Траволта («Кодэкс Готт») і Брус Уіліс («Смага смерці»).

Трамп і «яго нязменная дробязнасць» таксама намінаваныя ў катэгорыі «Горшы акторскі дуэт» («Смерць нацыі» і «Фарэнгейт 9/11»).

Акрамя таго, на званне горшай актрысы другога плана намінаваная жонка амерыканскага прэзідэнта Мелані Трамп - за з'яўленне ў фільме «Фарэнгейт 9/11».

Прэзідэнт ЗША ўжо з'яўляецца ўладальнікам антыпрэмій «Залатая маліна» ў катэгорыі «Горшы актор другога плана» - за ролю ў фільме «Прывіды гэтага не робяць» (1989 года).

39-я цырымонія ўручэння «Залатой маліны» пройдзе 23 лютага 2019 года, за дзень да ўручэння кінапрэміі «Оскар».