Беларускі банкір узначаліў нацыянальную плацёжную сістэму Узбекістана

Калісьці Аляксандр Сотнікаў развіваў «Белкарт».

Нацыянальная плацёжная сістэма Узбекістана HUMO прызначыла сваім новым старшынём праўлення Аляксандра Сотнікава. Пра гэта кампанія паведаміла 21 ліпеня 2026 года.

Да гэтага, з мая 2026 года, Аляксандр Сотнікаў працаваў у HUMO першым намеснікам старшыні праўлення. Ён адказваў за ключавыя напрамкі дзейнасці кампаніі і рэалізацыю стратэгічных праектаў па развіцці нацыянальнай плацёжнай інфраструктуры ў Узбекістане.

Сотнікаў — спецыяліст у галіне плацёжных тэхналогій, лічбавага банкінгу і развіцця нацыянальных плацёжных сістэм. Ён мае больш за 25 гадоў прафесійнага досведу.

Да пераходу ў HUMO Аляксандр Сотнікаў займаў кіраўнічыя пасады ў банкаўскай і плацежнай сферах Беларусі. Ён узначальваў ААТ «Банкаўскі працэсінгавы цэнтр» — найбуйнейшы працэсінгавы цэнтр краіны і аператара нацыянальнай плацёжнай сістэмы «Белкарт». Таксама Сотнікаў працаваў намеснікам старшыні праўлення Белгазпрамбанка і ў Нацыянальным банку Беларусі, дзе ўдзельнічаў у развіцці нацыянальнай плацёжнай інфраструктуры і ўкараненні сучасных лічбавых фінансавых сэрвісаў.

HUMO — нацыянальная плацёжная сістэма Узбекістана і адзін з важных элементаў фінансавай інфраструктуры краіны. Яна аб’ядноўвае банкі, бізнес і мільёны карыстальнікаў, забяспечваючы развіццё сучасных плацёжных тэхналогій і лічбавых фінансавых сэрвісаў.

Па словах Сотнікава, адной з галоўных прычын далучыцца да HUMO сталі амбіцыйныя планы кампаніі і яе імкненне да тэхналагічнага развіцця. Сярод найбольш перспектыўных напрамкаў ён адзначыў развіццё інтэграцыі паміж плацёжнымі сістэмамі, выкарыстанне штучнага інтэлекту і пашырэнне міжнароднага супрацоўніцтва.

Пад кіраўніцтвам Аляксандра Сотнікава HUMO плануе працягваць развіццё сучаснай плацёжнай экасістэмы, ўкараняць новыя тэхналагічныя рашэнні, пашыраць міжнародныя партнёрствы і рабіць лічбавыя фінансавыя паслугі больш даступнымі для жыхароў, банкаў і прадпрыемстваў Узбекістана.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com