Эрдаган прыстрашыў Еўразвяз адкрыццём межаў для ўцекачоў
11- 10.10.2019, 13:53
- 10,005
Таксама турэцкі правіцель раскрытыкаваў Саудаўскую Арабію і Егіпет.
Кіраўнік Турцыі Таіп Эрдаган рэзка адрэагаваў на крытыку ЕЗ, які асудзіў турэцкую ваенную аперацыю ў Сірыі. Кіраўнік Турцыі прыстрашыў Еўропу адкрыццём межаў для сірыйскіх бежанцаў, паведамляе РІА "Новости".
«Мы пад пагрозай нападаў тэрарыстаў, і ў нас 3,5 мільёна сірыйскіх бежанцаў, якія не могуць вярнуцца на радзіму. І тыя, хто не бачыў ніколі РПК-YPG (Рабочую партыю Курдыстана - Сілы самаабароны сірыйскіх курдаў) кажуць нам: адыдзеце ў бок! ЕЗ, прыйдзі ў сябе нарэшце. У ЕЗ ніколі не былі шчырымі, увесь час нас падманвалі. Калі яны скажуць, што гэтая аперацыя - акупацыя з нашага боку, мы адчынім дзверы для ўцекачоў», - сказаў Эрдаган падчас выступу ў Анкары.
Акрамя таго, ён раскрытыкаваў улады Саудаўскай Арабіі і Егіпта, якія таксама асудзілі аперацыю Турцыі ў Сірыі.