6 снежня 2019, Пятніца, 20:52
Засталося зусім крыху
Рубрыкі

Reuters: ЗША нанеслі таемны кіберудар па Іране

1
Reuters: ЗША нанеслі таемны кіберудар па Іране

Атака магла стаць адказам за напад на нафтавыя аб'екты Саудаўскай Аравіі.

ЗША правялі таемную кібератаку супраць Ірана пасля нападаў на нафтавыя аб'екты ў Саудаўскай Аравіі 14 верасня, піша The Insider cо спасылкай на Reuters.

Паводле словаў неназваных чыноўнікаў, атака была праведзеная ў канцы верасня, каб падарваць здольнасць Тэгерана «распаўсюджваць прапаганду». Адной з мэтаў кібератакі было нейкае іранскае абсталяванне.

11 кастрычніка стала вядома, што ўлады ЗША прынялі пастанову адправіць у Саудаўскую Аравію дадаткова 3 тысячы вайскоўцаў пасля нападу на нафтавыя аб'екты Saudi Aramco.

14 верасня ад нападу пацярпелі нафтаперапрацоўчы завод на радовішчы Абкаік – найбуйнейшым з НПЗ кампаніі і найбуйнейшым у свеце ў стабілізацыі сырой нафты, а таксама прадпрыемства ў здабычы нафты на радовішчы Хураіс.

Адказнасць за напад узялі на сябе еменскія паўстанцы-хусіты, супраць якіх ваюе арабская кааліцыя на чале з Саудаўскай Аравіяй, нягледзячы на гэта, дзяржсакратар ЗША Майк Пампеа заявіў, што доказаў гэтага няма, і абвінаваціў у нападзе Тэгеран.

У Тэгеране назвалі гэтыя абвінавачванні хлуснёй. Афіцыйны прадстаўнік урада Ірана Алі Рабіі падкрэсліў, што напады на нафтавыя аб'екты ў Саудаўскай Аравіі шкодзяць усяму рэгіёну, што не ўваходзіць у інтарэсы ягонай краіны. Таксама ў Тэгеране адзначылі, што падобныя абвінавачванні з'яўляюцца амерыканскай традыцыяй і не выклікаюць здзіўлення.