Расея нанесла магутныя авіяўдары ў Сірыі
7- 19.10.2019, 15:21
- 18,528
Атакаваная правінцыя Ідліб.
Авіяцыя Расеі 19 кастрычніка ажыццявіла маштабны напад на некалькі аб'ектаў у сірыйскай правінцыі Ідліб, кантраляванай джыхадзістамі.
Пра гэта паведамляе Еўрапейская праўда са спасылкай на Al Masdar News.
ВКС Расеі ажыццявілі атаку на авіябазу "Тафтаназ", якую ўтрымлівалі джыхадзісты групоўкі "Хаят Тахрыр Аль-Шам".
Са звестак вайсковай крыніцы ў суседняй правінцыі Латакія, ВКС Расеі здзейснілі больш за дзесяць авіяўдараў па авіябазе "Тафтаназ" і яе ваколіцах; гэта прывяло да знішчэння інфраструктуры і канвою падмацавання, што павінен быў адправіцца на фронт вайны з сірыйскім войскам.
Акрамя ўдараў па авіябазе "Тафтаназ", ВКС Расеі таксама аднавілі атаку на цытадэль джыхадзістаў горад Рэкая, у якім нібыта знаходзіцца адзін з галоўных камандных цэнтраў "Хайят Тахрыр Аль-Шам" у паўднёвым Ідлібе.
Нядаўна расейскія ВКС узмацнілі свае атакі на паўночным захадзе Сірыі на фоне паведамленняў аб новым наступе войскаў рэжыму Башара Асада і яго саюзнікамі ў Ідлібе, Хаме і Латакіі.
Нямецкі журналіст Джуліян Ропке ў сваім Twitter публікуе кадры атакі расейскай авіяцыі ў Ідлібе.
"Цікава, што санкцыямі супраць Масквы ніхто не пагражае", - адзначае ён.
#Idlib this morning.
— Julian Röpcke (@JulianRoepcke) October 19, 2019
The #Kremlin regime air force target practices on infrastructure.https://t.co/Esbv0BoXzA
17 верасня 2018 года Турцыя і Расея падпісалі пагадненне аб зоне дээскалацыі на паўночным захадзе Сірыі. З таго часу ў выніку нападаў сіл рэжыму Асада і ВКС Расеі загінулі больш за 1,3 тысячы мірных жыхароў.