У Берасцейскай цытадэлі знайшлі больш за 270 гранат
17- 22.10.2019, 18:03
- 17,410
Усе боепрыпасы - часоў Другой сусветнай вайны.
У Берасцейскай цытадэлі знайшлі сапраўдны арсенал - больш за 270 гранат, паведамляе прэс-служба МУС у сваім Telegram-канале.
Знаходка трапілася рабочым падчас земляных работ на тэрыторыі Усходняга форта Берасцейскай цытадэлі. Рабочыя знайшлі пяць гранат Ф-1.
Вайскоўцы сапёрна-піратэхнічнай групы вайсковай часткі 5526, якія прыбылі на месца здарэння, знайшлі яшчэ 268 такіх гранат і 240 узрывальнікаў.
Усе боепрыпасы - часоў Другой сусветнай вайны.
Падчас раскопак ніхто з людзей не пацярпеў.
Цяпер спецыялісты вывозяць арсенал на палігон для знішчэння.