Узровень беспрацоўя ў Польшчы знізіўся да рэкорднага за 30 гадоў узроўню
3- 23.10.2019, 21:56
- 10,548
Самым нізкім узроўнем беспрацоўя ў Польшчы можа пахваліцца Вялікапольскае ваяводства.
Узровень беспрацоўя ў Польшчы ў верасні знізіўся да рэкорднага за апошнія 30 гадоў узроўню ў 5,1%.
Пра гэта паведамляе «Радыё Польшча».
Марта Петка-Загаеўска з PKO Bank Polski адзначае, што апублікаваныя звесткі сведчаць пра патэнцыял рынку працы ў Польшчы.
«Кожны месяц здаецца, што ўзровень беспрацоўя ўжо дасягнуў мінімальнай адзнакі і далейшыя зніжэнні паказчыкаў немагчымыя, але гэтая тэндэнцыя ўвесь час працягваецца», - адзначыла экспэртка.
Самым нізкім узроўнем беспрацоўя ў Польшчы можа пахваліцца Вялікапольскае ваяводства - без працы тут застаюцца ўсяго 2,8% працаздольных грамадзян. У той жа час самы высокі працэнт беспрацоўных прыпадае на Варміньска-Мазурскае ваяводства, дзе беспрацоўе складае 8,6%.