Выяўленая нечаканая карысць бульбянога пюрэ
4- 28.10.2019, 17:50
- 19,109
Амерыканскія навукоўцы паведамілі пра новую карысць бульбянога пюрэ.
Бульбяное пюрэ мае такое ж дзеянне, як і вугляводны гель, які спартоўцы ўжываюць для падтрымання глюкозы ў крыві і падвышэння працаздольнасці, піша unian.net.
Пра гэта гаворыцца ў даследаванні навукоўцаў з амерыканскага Універсітэта штата Ілінойс, паведамляецца на сайце навучальнай установы. «Бульба з'яўляецца шматспадзеўнай альтэрнатывай для спартоўцаў, бо яна ўяўляе сабой эканамічна выгадную, багатую пажыўнымі рэчывамі і суцэльную крыніцу вугляводаў», - заявілі навукоўцы.
У рамках праведзенага навукоўцамі эксперыменту 12 добраахвотнікаў пераадольвалі на ровары агулам дзесьці 267 км на тыдзень. Удзельнікаў эксперыменту падзялілі на тры групы: першым падчас трэніровак дазвалялася піць толькі ваду, прадстаўнікі другой групы павінны былі прымаць гель, а ўдзельнікі трэцяй - есці бульбяное пюрэ. Цягам эксперыменту навукоўцы вымяралі ўзровень глюкозы ў крыві ўдзельнікаў, тэмпературу цела, інтэнсіўнасць практыкаванняў, апаражненне страўніка і страўнікава-кішачныя сімптомы. Даследаванне паказала, прадукцыйнасць веласіпедыстаў, якія прымалі вугляводныя гелі, і спартоўцаў, якія атрымлівалі вугляводы праз бульбяное пюрэ, выявілася намнога вышэйшай за прадукцыйнасць удзельнікаў эксперыменту, якія пілі толькі ваду.