Трамп абмовіўся і назваў Зяленскага новым прэзідэнтам Расеі

Прэзідэнт ЗША каментаваў сітуацыю, якая можа прывесці да яго імпічменту.

Прэзідэнт Злучаных Штатаў Амерыкі (ЗША) Дональд Трамп пераблытаў краіну, якой кіруе прэзідэнт Украіны Уладзімір Зяленскі. Пра гэта паведамляе РБК-Украина са спасылкай на брыфінг Трампа на авіябазе Эндрус у штаце Мэрылэнд.

Паведамляецца, што Трамп каментаваў між іншым, сітуацыю, якая можа прывесці да яго імпічменту і спачатку тройчы згадаў пра «ідэальную размову» з украінскім прэзідэнтам. Але затым настойваючы, што ён не ціснуў на Зяленскага, назваў яго расейскім прэзідэнтам.

«Цяпер яны не хочуць казаць пра выкрывальніка, таму што яны не думалі, што я апублікую гэтую размову. Калі я апублікаваў размову, я зняпраўдзіў даклад Шыфа (Адам Шыф, кіраўнік спецыяльнага камітэта выведкі Палаты прадстаўнікоў ЗША - рэд.). Больш за тое, як вы ведаеце, новы расейскі прэзідэнт, добры чалавек, зрабіў заяву, што ў размове не было нічога. Не было ціску на яго. Наогул нічога», - сказаў Трамп.