22 лiстапада 2019, Пятніца, 11:57
Праўда пра «выбары»
Рубрыкі

З Опернага тэатра сыходзіць дырэктар

6
З Опернага тэатра сыходзіць дырэктар
Уладзімір Грыдзюшка

Яму не працягнулі кантракт.

Гендырэктар Опернага тэатра Уладзімір Грыдзюшка пакідае сваю пасаду. Яго развітальны ліст з'явіўся на сайце тэатра.

- З гонарам і ўпэўненасцю магу сказаць, што сёння Вялікі тэатр Беларусі - тэатр найвышэйшага ўзроўню, які атрымаў шырокае прызнанне гледачоў, павагу і аўтарытэт у міжнароднай тэатральнай супольнасці. І гэта заслуга кожнага работніка тэатра: артыстаў, супрацоўнікаў мастацка-пастановачнай службы, адміністрацыйна-кіраўніцкага персаналу і іншых падраздзяленняў. Бо ў нашай справе няма другарадных прафесій - усе яны аднолькава важныя і патрэбныя. Дзякуй вам, калегi, за тое, што заўсёды былі побач са мной у складаныя і радасныя хвіліны, дапамагалі, падтрымлівалі словам і справай.

Уладзімір Грыдзюшка нарадзіўся ў 1958 годзе. Пачаў сваю кар'еру ў камсамоле, з'яўляўся сакратаром ЦК ЛКСМ Беларусі. Узначальваў піянерскую арганізацыю БССР.

Пасля распаду СССР узначальваў грамадскае аб'яднанне «Беларускі фонд сацыяльнай падтрымкі дзяцей і падлеткаў «Мы - дзецям» (1992-2001). У 2001-2003 гадах працаваў дарадцам Пасольства Рэспублікі Беларусь у Балгарыі. У 2003-2009 гадах з'яўляўся намеснікам міністра культуры.

З 2009 года з'яўляўся генеральным дырэктарам Нацыянальнага тэатра оперы і балета.

Пасля таго як стала вядома, што Міністэрства культуры не будзе працягваць кантракт Грыдзюшку, частка трупы напісала ліст у яго падтрымку.

Паводле інфармацыі tut.by, прозвішча новага дырэктара тэатра будзе названае на наступным тыдні.