У Дагестане жанчыны штурмавалі «дачку» «Газпрома» праз дрэннае ацяпленне
2- 12.11.2019, 18:49
- 14,800
Незадаволеныя жыхары паспрабавалі зламаць дзверы будынка.
Незадаволеныя жыхары паспрабавалі зламаць дзверы будынка «Газпром міжрэгіёнгаз Махачкала». Паліцыя склала на іх адміністрацыйныя пратаколы і адпусціла. Жыхары пасёлка Юбілейнага скардзяцца на адсутнасць газу з канца кастрычніка.
У дачыненні да жыхарак вёсак Хасав’юртаўскага раёна склалі адміністрацыйныя пратаколы пасля таго, як незадаволеныя грамадзяне спрабавалі ўварвацца ў мясцовае аддзяленне кампаніі «Газпром міжрэгіёнгаз Махачкала» («дачка» «Газпрома). Пра гэта РБК паведамілі ў прэс-службе МУС Дагестана.
«Не зламалі [дзверы], але спрабавалі. Колькасць [людзей] не магу сказаць, проста не ведаю. Гэта жыхаркі дзвюх вёсак Хасав’юртаўскага раёна. Яны не былі затрыманыя, яны былі дастаўленыя ў райаддзел, у дачыненні да іх былі складзеныя пратаколы адміністрацыйныя аб правапарушэнні, і яны былі адпушчаныя дадому. Факту затрымання менавіта няма», - паведамілі ў прэс-службе МУС Дагестана, не ўдакладніўшы, пра якія канкрэтна парушэнні ідзе гаворка.
Прадстаўнік «Газпром міжрэгіёнгаза» ад каментароў адмовіўся.
Як піша «Черновик», 12 лістапада жыхары Хасав’юрта, у асноўным жанчыны, «штурмавалі» будынак «Газпром міжрэгіёнгаза». Іх прэтэнзіі - тарыфы на газ і дрэнны стан гарадскіх сетак, праз якія ў Хасав’юрце, удакладняе выданне, месяц няма ацяплення. Да месца інцыдэнту прыехала некалькі дзясяткаў супрацоўнікаў праваахоўных органаў, удакладняе выданне.
«Черновик» таксама спасылаецца на апублікаванае мясцовым жыхаром у Facebook відэа, на якім жыхары патрабуюць адчыніць ім дзверы будынка і, прынамсі, спрабуюць зламаць іх з дапамогай драўлянай лаўкі.