Паліна Шарэнда-Пансюк спаліла сваё кандыдацкае пасведчанне

Гэта адбылося на Сустрэчы свабодных людзей у Менску.

15 лістапада ў Менску адразу на дзвюх плошчах - Кастрычніцкай і Свабоды - прайшла першая Сустрэча свабодных людзей. Удзельнікі сустрэчы абмяркоўвалі, # чтодальше? і як Беларусь зрабіць нармальнай еўрапейскай краінай.

Падчас сустрэчы экс-кандыдатка ў «дэпутаты» ад грамадзянскай кампаніі «Еўрапейская Беларусь» Паліна Шарэнда-Пансюк спаліла сваё пасведчанне, выдадзенае Цэнтрвыбаркамам.

Пры гэтым Паліна Шарэнда-Пансюк заклікала людзей ігнараваць «выбары».

«Гэта пасведчанне не вартае той паперы, на якой яно надрукаванае. Гары яны сінім полымем - гэтыя лукашэнкаўскія «выбары». Замест іх Беларусь павінна атрымаць годныя, сапраўдныя, свабодныя выбары, якія будуць толькі пасля адстаўкі Лукашэнкі», - заявіла актывістка «Еўрапейскай Беларусі».