Украіна будзе пастаўляць ЕЗ расейскі газ згодна з еўрапейскімі правіламі

Кіеў абавязаўся рэструктураваць «Нафтагаз» у рамках новых правілаў Еўрапейскага энэргасупольнасці.

Ва Украіне ў нядзелю, 17 лістапада, увайшоў у дзеянне закон аб так званым падзеле нацыянальнай акцыянернай кампаніі (НАК) «Нафтагаз Украіны», піша DW.

Ён прадугледжвае выдзяленне з яе складу прадпрыемства для транспартавання прыроднага газу і сертыфікацыю новага незалежнага аператара газатранспартнай сістэмы (ГТС). Напярэдадні афіцыйная газета Вярхоўнай рады апублікавала дакумент з тэкстам закона, патлумачыўшы, што ён увойдзе ў дзеянне на наступны дзень.

Закон быў прыняты 31 кастрычніка, яго падтрымаў 341 дэпутат украінскага парламента. 15 лістапада дакумент падпісаў прэзідэнт Уладзімір Зяленскі. Абавязанні правесці рэструктурызацыю «Нафтагаза», падзяліўшы транспартаванне, захоўванне i продаж газу, Украіна ўзяла на сябе ў рамках Трэцяга энэргетычнага пакета Еўрапейскага энергетычнага супольнасці.

Паводле новага закона і планаў украінскага ўрада, з 1 студзеня 2020 года транзітам газу будзе займацца ТАА «Аператар газатранспартнай сістэмы Украіны» (АГТСУ), які застаецца ў стоадсоткавай дзяржаўнай уласнасці. Пастанова аб удзеле ў яго кіраванні іншых асоб можа быць зацверджаная толькі Вярхоўнай радай. Дзяржава перадасць новаму аператару ва ўпраўленне газатранспартную сістэму тэрмінам на 15 гадоў. Аператар будзе лічыцца незалежным пасля сертыфікацыі ўкраінскім рэгулятарам, якую пацвердзіць сакратарыят Энэргетычнай супольнасці ў Вене.

Падрыхтоўка да новага кантракту з «Газпрамам»

Ва ўкраінскім ўрадзе падзел «Нафтагаза» ўважаюць за важны крокам у падрыхтоўцы да ўкладання новага кантракта аб транзіце газу з расейскім «Газпрамам» паводле еўрапейскіх правіл. Дзейнае пагадненне, якое не прадугледжвае падзелу, заканчваецца 31 снежня. 19 верасня ў Брусэлі прайшоў трэці раўнд газавых перамоў паміж Расеяй, ЕЗ і Украінай, на якім украінскі міністр энэргетыкі і абароны навакольнага асяроддзя Аляксей Аржэль прадставіў графік рэалізацыі Кіевам патрабаванняў еўрапейскага заканадаўства да 1 студзеня. У сваю чаргу, Расея пагадзілася падпісваць дамовы з Украінай згодна з еўрапейскімі нормамі.