Крышціяну Ранальду забіў 99-ы гол за каманду Партугаліі

Да сусветнага рэкорду - 10 галоў.

Форвард нацыянальнай каманды Партугаліі Крышціяну Ранальду забіў гол у браму каманды Люксэмбурга ў матчы кваліфікацыі EURO'2020 (2:0), піша «Прессбол».

34-гадовы нападнік вызначыўся на 86-й хвіліне сустрэчы. Гэта 99-ы гол Ранальду ў складзе нацыянальнай каманды. Больш толькі ў гульца каманды Ірана Алі Даеі (109 галоў). Ранальду засталося забіць за Партугалію 10 галоў для таго, каб паўтарыць сусветны рэкорд.

Крышціяну правёў 164-ы матч за Партугалію. Да еўрапейскага рэкорду - 12 гульняў, да сусветнага - 20 матчаў.