Зяленскі ўшанаваў памяць ліквідатараў аварыі на Чарнобыльскай АЭС
2- 14.12.2019, 11:33
- 29,355
14 снежня ва Украіне – Дзень ушанавання ўдзельнікаў ліквідацыі наступстваў Чарнобыльскай катастрофы.
Прэзідэнт Украіны Уладзімір Зяленскі ў суботу, 14 снежня, ушанаваў памяць ліквідатараў аварыі на Чарнобыльскай АЭС.
Пра гэта паведамляе прэс-служба кіраўніка ўкраінскай дзяржавы.
«У Дзень ушанавання ўдзельнікаў ліквідацыі наступстваў аварыі на Чарнобыльскай АЭС прэзідэнт Украіны Уладзімір Зяленскі ўсклаў кветкі да памятнага знака "Воінам Чарнобыля" і мемарыяльнага кургана "Героям Чарнобыля"», – гаворыцца ў паведамленні.
Таксама кіраўнік дзяржавы і ўдзельнікі цырымоніі ўшанавалі памяць загінулых ліквідатараў хвілінай маўчання.
Разам з прэзідэнтам у мерапрыемстве ўдзельнічалі старшыня Вярхоўнай Рады Дзмітрый Разумкоў і прэм'ер-міністр Украіны Аляксей Ганчарук.
Адзначым, 14 снежня ва Украіне – Дзень ушанавання ўдзельнікаў ліквідацыі наступстваў аварыі на Чарнобыльскай АЭС. Дзень устаноўлены ва Украіне згодна з указам прэзідэнта ад 10 лістапада 2006 года ў памяць пра заканчэнне 14 снежня 1986 года будаўніцтва саркафага над чацвёртым разбураным энэргаблокам ЧАЭС.