20 сакавiка 2019, Серада, 11:14
Выклік для кожнага
Рубрыкі

Чым унікальная перамога БАТЭ над «Арсеналам»

8
ФОТА: GETTY IMAGES

Такія трыумфы зыходзяць наўпрост у гісторыю.

Перамога барысаўскага БАТЭ над лонданскім «Арсеналам» у першым матчы 1/16 фіналу Лігі Еўропы прадаўжае збіраць рэзананс у футбольным свеце.

На гэтую тэму выказаўся ў Інстаграме Ілля Геркус, які толькі паўтара месяца таму пакінуў пасаду прэзідэнта маскоўскага «Лакаматыва».

«Еўракубкі вярнуліся пасля зімовага перапынку знакава. Тут і разгромная параза "Барусіі", і першае ў гісторыі Лігі чэмпіёнаў выкарыстанне VAR у Амстэрдаме, і круты матч у Манчэстэры, дзе зноў ззяў юны Мбапе. Але асабіста мяне больш за ўсё ў гэтыя тры дні ўразіў БАТЭ і іхні малады трэнер Аляксей Бага!

Каманда з горада Барысава выходзіць на матч плэй-оф Лігі Еўропы з дзевяццю беларусамі ў стартавым складзе. Унікальны выпадак для сучаснага футболу! І не проста ж выйшлі, а яшчэ і перамаглі каманду Унаі Эмеры! Такія трыумфы зыходзяць наўпрост у гісторыю. Яны ж не могуць быць больш тэхнічныя за лонданцаў, не могуць быць больш дасведчаныя і майстэрскія. Але яны ў вызначаны дзень апынуліся больш матываваныя і крышачку больш пісьменныя тактычна.

Без выканання гэтых кампанентаў перамогу над такім страшным спаборнікам не здабыць. Ды і пра феномен Аляксандра Глеба нельга забывацца. Сапраўдны дзядзька Чарнамор і ягоныя 10 волатаў. Брава БАТЭ!»

Сапраўды, БАТЭ выставіў у стартавым складзе 9 беларусаў. Яшчэ адзін выйшаў на замену, адзначае gazetaby.com.

Для параўнання: у старце ў «Арсенала» выйшлі 3 французы, 1 чэх, 1 немец, 1 гішпанец, 1 швэйцарац, 1 басніец, 1 армянін, 1 нігерыец і... 1 ангелец, які быў заменены падчас матчу. Так што большую частку другога тайму лонданскі клуб гуляў выключна легіянерамі. Вельмі дарагімі легіянерамі.

І, тым не менш, кошт на табло – 1:0 на карысць беларусаў.