25 чэрвеня 2019, aўторак, 13:48
Мы ў адной лодцы
Рубрыкі

Сенатар Сандэрс зноў пазмагаецца за пасаду прэзідэнта ЗША

6
Бэрні Сандэрс
ФОТА: ALEX WONG

Бэрні Сандэрс - адзіны ў ЗША сенатар, які прытрымліваецца прынцыпаў дэмакратычнага сацыялізму.

Сенатар ад штата Вермонт Бэрні Сандэрс абвясціў у аўторак, 19 лютага, што будзе ўдзельнічаць у перадвыбарчай гонцы за пасаду прэзідэнта ў 2020 годзе, паведамляе DW.

У 2016 годзе дэмакратычны сацыяліст правёў паспяховую выбарчую кампанію, аднак саступіў Хілары Клінтан у барацьбе за мандат кандыдата ад Дэмакратычнай партыі на ролю кіраўніка дзяржавы.

Пра свае планы на наступны год Сандэрс распавёў у эфіры Vermont Public Radio. «Я хацеў, каб жыхары штата Вермонт першымі даведаліся пра гэта», - растлумачыў ён.

Адказваючы, на пытанне аб тым, чаму ён плануе зноў уступіць у барацьбу за крэсла кіраўніка дзяржавы, 77-гадовы Сандэрс адзначыў, што ўважае прэзідэнта ЗША Дональда Трампа «ганьбай для краіны» і «паталагічным хлусам».

Са слоў сенатара, амерыканскі лідар - «расіст, сэксіст, гамафоб і ксенафоб», які спрабуе «падзяліць амерыканскі народ».

Палітык пацвердзіў, што будзе будаваць сваю кампанію на тых жа прынцыпах, што і ў 2016 годзе. Калі тры гады таму яго погляды на праблемы змянення клімату, аховы здароўя, мінімальнай аплаты працы і аховы здароўя шматлікім здаваліся «занадта радыкальнымі», то цяпер яны карыстаюцца больш шырокай падтрымкай.

Бясплатная вышэйшая адукацыя і ўсеагульнае медыцынскае страхаванне

Будучы адзіным у ЗША сенатарам, якія прытрымліваюцца пазіцый дэмакратычнага сацыялізму, Бэрні Сандэрс выступае за ўсеагульнае медыцынскае страхаванне, бясплатную вышэйшую адукацыю (за кошт падаткаабкладання банкаўскіх трансакцый) і павышэнне мінімальнага ўзроўню аплаты працы.

Прэзідэнцкія выбары ў ЗША запланаваны на 3 лістапада 2020 года. Пра ўдзел у іх ужо заявіў амерыканскі палітык, 87-гадовы Джэк Фелюр, на рахунку якога сем прэзідэнцкіх кампаній.