Беларусь скасоўвае крэдытнае пагадненне з Кітаем аб будаўніцтве завода ў Калодзішчах
10- 21.02.2019, 10:12
- 21,394
Будаўніцтва завода выклікала пратэсты мясцовых жыхароў.
Урад Беларусі правядзе перамовы ў скасаванні крэдытнага пагаднення з Экспартна-імпартным банкам Кітая.
Пастанова падпісаная Сяргеем Румасам 20 лютага і апублікаваная сёння на сайце Нацыянальнага прававога інтэрнэт-партала.
Міністэрства фінансаў упаўнаважана на правядзенне перагавораў аб праекце пагаднення аб скасаванні крэдытнага пагаднення аб выдачы льготнага пакупніцкага крэдыту для рэалізацыі праекта «Будаўніцтва завода ў вытворчасці спецыяльных машын у пасёлку Калодзішчах Менскага раёна» паміж урадам Беларусі і Экспартна-імпартным банкам Кітая ад 15 траўня 2017 года.
Мінфін мае права падчас перамоваў уносіць нязначныя змены ў пагадненне і падпісаць яго пры дасягненні дамоўленасці.
Нагадаем, у 2017 годзе ўрад Беларусі пастанавіў прыцягнуць у 2017-2022 гадах льготны пакупніцкі крэдыт Экспартна-імпартнага банка Кітая тэрмінам на 18 гадоў для рэалізацыі інвестыцыйнага праекта ў Калодзішчах на суму 192,7 млн даляраў ЗША.
Планавалася, што кампанія «Амкадор-Маш» перанясе вытворчасць пагрузчыкаў з завода «Ударнік», які прымыкае да цэнтра Менска, у пасёлак Калодзішчы. Генпадрадчыкам выступала кітайская Citic Construction. Будаўніцтва завода выклікала пратэсты мясцовых жыхароў.