Работнікі Слуцкага раёна могуць застацца без пенсій
3- 6.02.2019, 15:28
- 14,597
Філіял Слуцкага аграсэрвісу трапляў у дзясятку самых буйных завінавачаных у страхавых унёсках у краіне.
Спіс арганізацый, у якіх ёсць пратэрмінаваная запазычанасць у абавязковых страхавых унёсках, апублікаваны на сайце Фонду сацыяльнай абароны насельніцтва. У яго трапілі 24 неаплатнікі са Слуцкага раёна, піша kurjer.info. Паводле звестак на 1 кастрычніка 2018 года, у спісе значыўся і Слуцкі мясакамбінат са сваімі філіяламі.
Як распавёў Аляксандр Дзямідаў, начальнік аддзела арганізацыі збору аплаты Менскай абласной управы Фонду сацыяльнай абароны насельніцтва, філіял Слуцкага аграсэрвісу трапляў у дзясятку самых буйных завінавачаных у краіне.
У спісе арганізацый, за якімі лічылася пратэрмінаваная запазычанасць у абавязковых страхавых унёсках, значыўся і Слуцкі мясакамбінат. «Мясакамбінат бажыўся, што выплаціць. Выплаціў», - сказаў Аляксандр Дзямідаў.
На пачатак гэтага года сітуацыя ў філіяла Слуцкага аграсэрвісу не змянілася. Са слоў Аляксандра Дзямідава, «сам аграсэрвіс яшчэ больш-менш плаціць», а філіял - не.
«І людзі пакутуюць. Унёскі не плацяцца, і стажу часам няма - гады выпадаюць», - сказаў Аляксандр Дзямідаў і прывёў прыклад. Добра, калі ёсць стаж 30 гадоў. Напрыклад, пяць гадоў выпала праз тое, што працадаўца не плаціў страхавыя ўнёскі. Але ў чалавека засталося 25 гадоў стажу, і прызначаць пенсію. Толькі справа ў тым, што за кожны год стажу да пенсіі дадаецца 1%. Людзі яго губляюць.
«Можна ісці ў суд, даводзіць шкоду, спаганяць потым гэтую шкоду з прадпрыемства. Але нашы людзі не навучыліся гэтага рабіць. А чакаць, што за іх гэта зробіць дзяржорган, не варта. Суд - гэта асабістая справа кожнага», - растлумачыў суразмоўца.
Аляксандр Дзямідаў распавёў, што ўжо з'яўляюцца людзі, якія бароняць свае правы ў судзе. Там выяўляецца, што калі б унёскі былі выплачаныя працадаўцам, то чалавек атрымліваў бы, напрыклад, пенсію на 20 рублёў большую. У выпадку станоўчай пастановы чалавеку будуць даплачваць гэтыя 20 рублёў. Закон утрымлівае норму аб матэрыяльнай адказнасці.
Спіс аплатнікаў абавязковых страхавых унёскаў, якія маюць пратэрмінаваную запазычанасць у аплаце ў бюджэт дзяржаўнага пазабюджэтнага фонду сацыяльнай абароны насельніцтва Беларусі:
Наименование плательщика | Сумма просроченной задолженности | Сумма просроченной задолженности |
---|---|---|
Филиал «ПСХ» ОАО «Слуцкий Агросервис» | 569 843,09 | 549 064,12 |
ОАО «Слуцкий мясокомбинат» | 307 966,36 | — |
ДУП «ПМК — 226» УП «Минскоблсельстрой» | 206 140,36 | 199 537,14 |
ОАО «Слуцкий Агросервис» | 167 385,38 | — |
Филиал «ПСХ» ОАО «Слуцкий мясокомбинат» | 98 031,44 | — |
ПСХ «Наша Нива» ОАО «Слуцкий мясокомбинат» | 83 061,30 | — |
ДУП «ПМК-225» УП «Минскоблсельстрой» | 73 256,38 | — |
ОАО «Весейский Покров» | 64 127,06 | — |
ДУП «СПМК-98» УП «Минскоблсельстрой» | 48 883,33 | 19 218,11 |
ОАО «Подлесье-2003» | 48 063,82 | — |
ДУП «СПМК-122» УП «Минскоблсельстрой» | 42 699,27 | — |
Филиал «Автобусный парк № 2» ОАО «Миноблавтотранс» | 42 568,96 | — |
ОАО «Витко-Агро» | 39 547,95 | — |
ОАО «Слуцкая нива» | 34 619,63 | — |
«ДРСУ № 125» ф-л КУП «Минскоблдорстрой» | 31 902,81 | — |
УП «Совхоз «Слуцк» | 30 504,08 | — |
ОАО «Сороги-Агро» | 28 829,48 | — |
ООО «Дорстройсервис» | 17 285,50 | — |
ОАО «Слуцкая фабрика пошива одежды» | 14 312,97 | 8 575,45 |
ООО «ИНФОПРОМСЕРВИС» | — | 5 644,70 |
УП «Сервиспромден» | — | 2 341,25 |
УП «ЭКСПРЕССФОТО» | — | 1 530,65 |
ООО «Белпродальянс» | — | 1 841,98 |
ООО «СтройВидем» | — | 1 237,51 |
ООО «САПР-Сервис» | — | 1 189,67 |
УП «Торговая компания «Комплимилк Трейд» | — | 1 187,57 |
УП «АНВИ» Евдонко В.И. | — | 1 075,69 |
Частное предприятие «Санрайс-торг» | — | 951,58 |
Частное предприятие «АгроСити» | — | 801,15 |
Частное предприятие «Амид Грация» | — | 635,00 |
Частное предприятие «ЛокалТрэйд» | — | 631,74 |
ООО «Со Смаком Пектин» | — | 607,40 |
ООО «Стоун Маркет» | — | 455,98 |
Частное предприятие «ЭКВИТ» | — | 286,83 |
СООО «Элиопиг Армато» | — | 268,84 |
Частное предприятие «ДИСАМТРЕЙД» | — | 240,51 |
Частное предприятие «АвтоГала» | — | 215,79 |
Сутягин В.Е. | — | 139,13 |
ООО «Давантаж» | — | 134,27 |