ЗША пашырылі антырасейскі санкцыйны спіс датычны да Украіны
1- 15.03.2019, 19:05
- 9,068
У пашыраны спіс трапілі расейскія чыноўнікі.
Злучаныя штаты Амерыкі пашырылі спіс санкцый супраць Расеі праз працяг агрэсіі ў дачыненні да Украіны. Пра гэта гаворыцца ў прэс-рэлізе Міністэрства фінансаў ЗША, апублікаваным 15 сакавіка, піша «Гордон».
«Упраўленне кантролю за замежнымі актывамі Міністэрства фінансаў ЗША ўнесла шэсць чалавек і восем юрыдычных асоб у санкцыйны спіс у адказ на агрэсію РФ што доўжыцца ва Украіне», - паведамілі ў ведамстве.
Між іншым, пад санкцыі трапілі чатыры расейскія чыноўнікі, якія былі датычныя да нападу на ўкраінскіх маракоў у Керчанскай пратоцы, адзначаецца ў заяве.