Расейскія вайскоўцы ўварваліся на тэрыторыю Грузіі: новыя падрабязнасці
24- 17.03.2019, 15:08
- 108,454
Абстаноўка застаецца напружанай.
Расейскія вайскоўцы ўвайшлі ў вёску Хурвалеці, якая знаходзіцца на лініі падзелу ў зоне грузіна-асецінскага канфлікту.
Пра гэта паведамляе лідар антыакупацыйнага руху "Сіла ў адзінстве" Давід Кацарава, паведамляе "Радыё Свабода". Паводле ягоных словаў, цяпер у Хурвалеці накіроўваюцца актывісты. Інфармацыю таксама пацвярджаюць мясцовыя жыхары ў сацсетках, адзначаючы, што расейскія вайскоўцы занялі частку вёскі.
Пры гэтым грузінская паліцыя не прапускае ў бок сяла журналістаў і грамадзянаў, заблакаваўшы ўсе праходы і адмовіўшыся каментаваць сітуацыю.
Мясцовыя жыхары паведамілі, што становішча ў вёсцы застаецца напружаным. Расейскія вайскоўцы перасеклі лінію падзелу і не пускаюць людзей на ўласныя надзелы. Пры гэтым перамяшчэнне расейскіх вайскоўцаў было заўважанае ў сяла Атоці.
Паводле словаў мэра Гарыйскага муніцыпалітэта Канстанціна Таўзарашвілі, вайскоўцы ў масках знаходзяцца на падкантрольнай цэнтральным уладам Грузіі тэрыторыі. "Пакуль невядомы матыў іх з'яўлення. На месцы знаходзяцца грузінскія праваахоўнікі", – паведаміў Таўзарашвілі.
Раней ля сяла Хурвалеці з боку самаабвешчанай рэспублікі Паўднёвая Асеція расейскія вайскоўцы ўсталявалі назіральны пост з вышкай.
#СРОЧНО Русские оккупанты напали на Грузинское село #ХУРВАЛЕТИ
— ᎶᎥᎧᏒᎶᎥ ᏉᏗᏝᏗᏕᏂᏉᎥᏝᎥ🦂 (@G_Valashvili) March 15, 2019
Оккупанты вторглись на контролируемой Грузией территории и заняли село Хурвалети.
Местное население в плену. Оккупанты расположились по всему периметру и агрессивно ведут себя.
Очередная провокация кремля! #ПТНХЛО pic.twitter.com/Upul5pL6aD