Турнір у Маямі: вызначыліся спаборніцы беларускіх тэнісістак

Азаранка пачне турнір матчам супраць Цыбулкавай, Сабаленка ўступае ў гульню з другога раўнда.

Вызначыліся спаборніцы беларускіх тэнісістак на буйным турніры ВТА ў Маямі. 32 сеяныя, уключаючы Арыну Сабаленку, уступяць у барацьбу з другога кола. Матчы першага раўнда пачнуцца ў аўторак, паведамляе pressball.by.

Вікторыя Азаранка (N 46 ВТА) у першым коле згуляе са славачкай Дамінікай Цыбулкавай (35), Аляксандра Сасновіч (36) сустрэнецца з пераможцай кваліфікацыі, Вера Лапко (64) згуляе з другой ракеткай Францыі Алізе Корне (53).