Пяцігадовая дачка беларускі дапамагала перавозіць кантрабанду
14- 21.03.2019, 21:01
- 28,588
Незвычайны выпадак адбыўся на беларуска-літоўскай мяжы.
На мінулых выходных на беларуска-літоўскай мяжы ў пункце пропуску «Беняконі» - «Шальчынінкай» літоўскія мытнікі адправілі на пільны дагляд падазроны аўтамабіль, на якім у Літву ехала жанчына і яе пяцігадовая дачка.
Пасля ўжывання сканэра інспектары выявілі, што ў аўтамабілі ёсць схованкі, у якіх былі схаваныя цыгарэты. Кантрабанду знайшлі ў скрынцы перадач, бамперы і іншых поласцях, але, каб цыгарэты не выявілі службовыя сабакі, у гэтых нішах былі анучы з рэзкім пахам.
Некаторыя поласці былі пустымі: беларуска везла столькі цыгарэт, каб у выпадку выяўлення парушэнне цягнула на адміністрацыйны, а не крымінальны пратакол, паведамляе euroby.info.
Высветлілася, пяцігадовае дзіця стала саўдзельнікам перавозкі кантрабанды, бо ў некаторыя схованкі з цыгарэтамі магла пралезці толькі дзіцячая ручка. Літоўскія мытнікі мяркуюць, што ў выпадку паспяховага перасячэння мяжы дзіця дапамог б дастаць кантрабанду.