Малайзія ахвочая аднавіць пошукі Boeing, які знік у сакавіку 2014 года
- 3.03.2019, 20:13
- 8,697
Дзве экспедыцыі не змаглі выявіць месца знаходжання адломкаў самалёта, які ляцеў рэйсам з Куала-Лумпура ў Пекін.
Урад Малайзіі заявіў пра ахвоту фінансаваць новыя пошукі зніклага ў 2014 годзе самалёта Malaysia Airlines, які накіроўваўся з Куала-Лумпура ў Пекін рэйсам MH370 і знік. Пра гэта 3 сакавіка на прэс-канферэнцыі ў Куала-Лумпуры паведаміў міністр транспарту Энтані Локе, паведамляе "Гордон" са спасылкай на Reuters.
Са слоў Локе, улады гарантуюць выплату ўзнагароды і кампенсацыю выдаткаў на аперацыю ў выпадку, калі пошукавай экспедыцыі выпадзе выявіць адломкі лайнера.
Так, прапанова зробленая кампаніі Ocean Infinity, якая займалася пошукамі ў 2018 годзе, а затым паведаміла аб распрацоўцы новых тэхналогій, што маглі б дапамагчы ў выяўленні аб'екта на вялікай глыбіні. Адказу ад Ocean Infinity пакуль не паступіла, сказаў міністр.
На прэс-канферэнцыі ўпершыню публічна паказалі два адломкі, якія, як верагодна высветлена, належаць рэйсу MH370. Адзін з іх - фрагмент крыла Boeing 777-200 даўжынёй блізу 4,5 м, яго вынесла на ўзбярэжжы Танзаніі.