У Лондане выявілі выбуховыя прылады, спакаваныя ў кардонныя скрынкі
3- 6.03.2019, 11:18
- 9,127
Падазроныя скрынкі знаходзіліся ў двух аэрапортах і на чыгуначнай станцыі.
Тры невялікія самаробныя выбухныя прылады выяўленыя ў аўторак у будынках лонданскага аэрапорта "Хітроў", гарадскога аэрапорта Лондана і на чыгуначнай станцыі "Ватэрлоо", паведамляе "Інтэрфакс-Украіна".
У паліцыі мяркуюць, што гаворка ідзе "пра звёны аднаго ланцужка".
Усе выяўленыя выбуховыя прылады былі спакаваныя ў кардонныя скрынкі для паштовых адпраўленняў.
Небяспечныя знаходкі ніяк не адбіліся на працы аэрапортаў і станцыі.
Распачатае расследаванне, аднак ніякіх арыштаў ці затрыманняў пакуль не было.
У Скотланд-Ярдзе не выключаюць, што на іншых транспартных вузлах Лондана могуць знаходзіцца іншыя выбуховыя прылады, у сувязі з чым жыхарам і гасцям горада дадзеная рэкамендацыя "быць пільнымі і паведамляць пра падазроныя аб'екты ў паліцыю".