11-класнік з Ліды давёў «зліў» на алімпіядзе па геаграфіі
8- 12.04.2019, 21:20
- 19,481
Вынікі анулююць, ацэнку дасць пракуратура.
Міністэрства адукацыі звярнулася ў Генпракуратуру з нагоды парушэнняў у правядзенні алімпіяды па геаграфіі, паведамілі ў ведамстве.
У міністэрстве tut.by распавялі, што парушэнні, пра якія распавёў на партале адзінаццацікласнік з Ліды Ігнат Ільюшонак, пацвердзіліся.
Школьнік шэсць гадоў удзельнічае ў алімпіядах па геаграфіі і кажа, што не раз заўважаў: некаторыя хлопцы ведаюць адказы прадметнага спаборніцтвы яшчэ да яго пачатку. Сёлета, запэўнівае Ігнат, лісты з заданнямі на заключны, чацвёрты этап трапілі да яго за некалькі тыдняў да алімпіяды. «Калі я іх бачыў, то і іншыя таксама маглі ўбачыць». Пра ўцечку ён паведаміў у Міністэрства адукацыі і СМІ - хлопец даслаў заданні ў дзень пачатку алімпіяды, некаторыя з іх былі адпраўленыя ў рэдакцыю раней, чым іх атрымалі ўдзельнікі.
Міністэрства адукацыі запатрабавала ад устаноў адукацыі і ўпраўленняў адукацыі звольніць датычных да ўцечкі асоб. Ведамства таксама звярнулася ў Генпракуратуру з просьбай даць ацэнку іх дзеянням.
- Вынікі школьнікаў, у дачыненні да якіх устаноўлены факты доступу да алімпіядных заданняў, ануляваныя. Журы перагледзіць спіс пераможцаў заключнага этапу рэспубліканскай алімпіяды, - запэўнілі ў Мінадукацыі.