Трамп прапанаваў кампаніі Boeing перайменаваць мадэлі 737 MAX
12- 15.04.2019, 21:40
- 10,416
Ніводны іншы прадукт Boeing не пацярпеў так, як 737 MAX, мяркуе прэзідэнт ЗША.
Кампаніі Boeing неабходна ліквідаваць няспраўнасці і працягнуць выпуск самалётаў серыі 737 MAX пад новай назвай. Такое меркаванне выказаў 15 красавіка ў сваім Twitter прэзідэнт ЗША Дональд Трамп, паведамляе gordonua.com.
«Што я ведаю пра брэндынг? Магчыма, нічога (але я стаў прэзідэнтам). На месцы Boeing я б унёс выпраўленні ў мадэль 737 MAX, дадаў некаторыя дадатковыя выдатныя функцыі і выпусціў самалёт пад новым імем. Ніводны іншы прадукт кампаніі не пацярпеў так, як гэты. Але, зноў жа, чорт вазьмі, адкуль мне ведаць?» - напісаў Трамп.
What do I know about branding, maybe nothing (but I did become President!), but if I were Boeing, I would FIX the Boeing 737 MAX, add some additional great features, & REBRAND the plane with a new name.
— Donald J. Trump (@realDonaldTrump) April 15, 2019
No product has suffered like this one. But again, what the hell do I know?
29 кастрычніка 2018 года Boeing 737 MAX 8, які выконваў рэйс з Джакарты ў Пангкал Пінанг, знік з радараў амаль адразу пасля ўзлёту. Лайнер абрынуўся ў яванскае мора. На борце знаходзілася 189 чалавек, ратавальнікі не выявілі тых, хто выжыў.
10 сакавіка 2019 года праз шэсць хвілін пасля ўзлёту ў Адыс-Абебе разбіўся Boeing той жа мадэлі, усе 157 чалавек загінулі.
Згодна з папярэдняй справаздачы следства, прычынай катастрофы эфіёпскага лайнера стала ілжывая актывацыя сістэмы дапаўнення характарыстык манеўравання MCAS. Экспэрты ўважаюць, што тая ж сістэма адмовіла на інданезійскім рэйсе.
Boeing рэкамендавала прыпыніць палёты ўсяго сусветнага флоту 737 MAX.
4 красавіка Прэзідэнт карпарацыі Дэніс Мюленбург афіцыйна прызнаў, што прычынай катастрофы самалётаў у Інданэзіі і Эфіопіі была памылковая актывацыя MCAS.
