Анджэй Дуда: Польшча плануе цалкам адмовіцца ад постсавецкіх самалётаў

Польшча мае намер набыць самалёты пятага пакалення.

Польшча мае намер набыць самалёты пятага пакалення. Пра гэта заявіў прэзідэнт Польшчы Анджэй Дуда паводле вынікаў сустрэчы з польскімі вайскоўцамі на Першай базе тактычнай авіяцыі ў Варшаве, паведамляе «Радыё Польшча».

«Мы імкнёмся да таго, каб польская авіяцыя магла адмовіцца ад постсавецкіх самалётаў, ад МІГаў, ад Су, каб наша авіяцыя магла карыстацца лепшымі ў свеце самалётамі, сучаснымі машынамі. Я спадзяюся, што нам удасца закупіць самалёты F-35. Гэта вельмі каштоўная праграма. Вядома, Польшча будзе спрабаваць атрымаць як мага лепшыя ўмовы закупкі. Гэтая праграма мае велізарны патэнцыял з пункту гледжання мадэрнізацыі», - адзначыў кіраўнік польскай дзяржавы.

Анджэй Дуда таксама нагадаў, што да 2030 года ўрад Польшчы мае намеру павышаць выдаткі на абарону да 2,5% ВУП. У той жа час прэзідэнт Польшчы выказаў надзею, што гэта адбудзецца яшчэ да 2024 года.