Зяленскі тэрмінова звярнуўся да сусветнай супольнасці
3- 6.07.2026, 11:21
- 4,668
Пасля начной атакі РФ на Кіеў.
Прэзідэнт Украіны Уладзімір Зяленскі заявіў, што недахоп ракет-перахопнікаў, якія пастаўляюцца міжнароднымі партнёрамі, стаў адной з прычын, чаму расійскую балістычную ракету не ўдалося збіць падчас начной атакі. Пра гэта кіраўнік украінскай дзяржавы паведаміў у сваім Telegram-канале.
Паводле слоў Зяленскага, украінскія сілы СПА паспяхова знішчалі ўдарныя беспілотнікі і крылатыя ракеты, аднак магчымасці па перахопе балістычных мэт застаюцца абмежаванымі.
«Нашыя воіны сёння паказалі добрыя вынікі ў збіванні дронаў і крылатых ракет, але, на жаль, не ў дачыненні да расійскай балістыкі. І прычына — менавіта ў недастатковых пастаўках ракет-перахопнікаў», — падкрэсліў прэзідэнт.
Зяленскі таксама заклікаў міжнародных партнёраў, найперш ЗША і еўрапейскія краіны, прыняць дадатковыя рашэнні па ўзмацненні ўкраінскай супрацьпаветранай абароны на будучым саміце НАТА ў Анкары.
Уначы на 6 ліпеня Расійская Федэрацыя ажыццявіла масіраваную камбінаваную атаку па тэрыторыі Украіны. Паводле ўкраінскага боку, былі запушчаныя 6 супрацькарабельных ракет 3М22 «Цыркон»/«Онікс» і 23 балістычныя ракеты «Іскандэр-М»/С-400. Паведамляецца, што зафіксаваныя траплянні 29 балістычных ракет, уключаючы супрацькарабельныя.
У выніку ўдару ў Кіеве павялічваецца колькасць загінулых. У Дарніцкім і Падольскім раёнах сталіцы зафіксаваныя траплянні ў шматпавярховыя жылыя дамы, пашкоджаныя грамадзянскія аб’екты.
«Пакуль ракеты для Patriot застаюцца на складах саюзнікаў, гэта толькі заахвочвае Расію і далей наносіць удары па жылых дамах. У ЗША і Еўропы дастаткова сіл, каб спыніць гэты тэрор», — заявіў ён.
Кіраўнік дзяржавы таксама распавёў пра наступствы начнога ўдару па Кіеве. Паводле яго слоў, пашкоджанні зафіксаваныя больш як у дзесяці раёнах сталіцы, у тым ліку пацярпелі жылыя дамы. На месцах працягваюць працаваць выратавальныя службы.
«На дадзены момант удалося выратаваць 64 чалавекі, сярод іх двое дзяцей. На гэты час вядома, што, на жаль, у выніку гэтай атакі загінулі 11 чалавек. Мае спачуванні родным і блізкім. Яшчэ каля 60 чалавек параненыя», — паведаміў Зяленскі.
Акрамя таго, прэзідэнт распавёў пра наступствы атакі ў Кіеўскай вобласці. Паводле ягоных даных, 16 чалавек атрымалі параненні, яшчэ трое загінулі.
«У Вішнёвым працягваецца пажар на месцы ракетнага ўдару. Праводзіцца эвакуацыя людзей з прыватнага сектара. Да ліквідацыі наступстваў атакі прыцягнута больш як 400 выратавальнікаў і паліцэйскіх», — адзначыў кіраўнік украінскай дзяржавы.
Уначы на 6 ліпеня Расійская Федэрацыя ажыццявіла масіраваную камбінаваную атаку па тэрыторыі Украіны. Паводле ўкраінскага боку, былі запушчаныя 6 супрацькарабельных ракет 3М22 «Цыркон»/«Онікс» і 23 балістычныя ракеты «Іскандэр-М»/С-400. Паведамляецца, што зафіксаваныя траплянні 29 балістычных ракет, уключаючы супрацькарабельныя.
У выніку ўдару ў Кіеве павялічваецца колькасць загінулых. У Дарніцкім і Падольскім раёнах сталіцы зафіксаваныя траплянні ў шматпавярховыя жылыя дамы, пашкоджаныя грамадзянскія аб’екты.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
