Мухтар Аблязаў: Украіна здолела. Мы таксама здолеем
11- 22.04.2019, 12:40
- 66,128
У Казахстане сфармаваны велізарны пратэстны патэнцыял, які толькі нарастае праз дзеянні Назарбаева.
Казахскі апазіцыйны палітык, прадпрымальнік і экс-міністр Мухтар Аблязоў пракаментаваў у "Фэйсбуку" перамогу на выбарах ва Украіне Уладзіміра Зяленскага:
"Сябры! Усе магчымасці для гэтага ў нас ёсць. Датэрміновыя і нелегітымныя "выбары" 9 чэрвеня. Спроба Назарбаева прызначыць Дарыгу прэзідэнтам. Поспех апазіцыі ў Арменіі. Адстаўка прэзідэнта Алжыра, які 20 гадоў кіраваў краінай.
Арышт прэзідэнта Судана, які 30 гадоў, як і Назарбаеў, кантраляваў уладу ў краіне...
У краіне сфармаваны велізарны пратэстны патэнцыял, які толькі нарастае праз дзеянні мафіёзнай улады Назарбаева.
Арганізаваны палітычны рух ДВК. Намі агучаны праграмы палітычных і эканамічных рэформаў. Створаны розныя палітычныя пляцоўкі, як чат актывіст ДВК, які аб'ядноўвае тысячы прыхільнікаў.
Напісаны выразны план дзеянняў на перыяд працы Часовага ўрада ДВК на 6 месяцаў, пакуль пройдуць парламенцкія выбары.
У нас ёсць усё. Засталося толькі аб'яднацца і пачаць дзейнічаць больш смела.
1 траўня ДВК заклікае нашых прыхільнікаў выйсці на мітынгі ва ўсёй краіне. Мы стаім на гістарычным адцінку часу. Перад намі стаіць выбар.
Застаёмся жыць у дыктатарскім рэжыме або дамагаемся перамен!
Украіна здолела. Мы таксама здолеем...", - напісаў Мухтар Аблязоў.