Украінскі аглядальнік: Зяленскі спадабаўся Трампу

Прэзідэнт ЗША мог убачыць у Зяленскім, як і раней у Макроне, роднасную душу.

Яшчэ ў ноч пасля галасавання, каб павіншаваць, патэлефанаваў Дональд Трамп. Нечаканы званок. Бо павіншаваць новаабранага ўкраінскага прэзідэнта цалкам мог дзяржсакратар Майкл Пампэа або віцэ-прэзідэнт Майкл Пэнс. Пра гэта ў сваім артыкуле для zn.ua піша аглядальнік Уладзімір Краўчанка.

Нашы суразмоўцы выказвалі розныя здагадкі, чаму вашынгтонскі званок быў зроблены ўсё ж з Белага дома. Адны мяркуюць, што, улічваючы ганебны ўдзел цяперашняй украінскай улады ў амерыканскай прэзідэнцкай кампаніі 2016 года, роўна як і нядаўнія скандальныя заявы генпракурора Юрыя Луцэнкі, у Вашынгтоне наважылі такім чынам - «на кантрасце» - прадэманстраваць сваё стаўленне да ранейшага прэзідэнта і ягонай адміністрацыі.

Іншыя, з ягоных слоў, убачылі ў гэтым званку асабісты інтарэс амерыканскага прэзідэнта да неадназначнай персоны новаабранага ўкраінскага калегі і жаданне Трампа «хайпануць самому».

«Паводле інфармацыі CМІ, размова прайшоў паспяхова: Трампу спадабаўся Зяленскі, да якога амерыканскі прэзідэнт, са сведчанняў амерыканскіх крыніц, «адчуў сімпатыю». Што ж, будучы фрыкам, Трамп мог убачыць у Зяленскім, як і раней у Макроне, роднасную душу - паспяховага несістэмнага гульца, які здолеў прабіцца на верхавіну ўлады, не будучы пры гэтым часткай істэблішменту. Але для Украіны гэты званок важны ўжо хоць бы таму, што паміж лідарамі дзвюх краін быццам бы з'явілася станоўчая эмацыйная сувязь», - адзначае аглядальнік.