Дзесяць выкладчыкаў аграрнага каледжа ў Пінску трапіліся на хабарах
9- 8.04.2019, 18:24
- 16,809
Яны атрымлівалі ад студэнтаў хабар за здачу экзаменаў і кантрольных.
У Пінску пад крымінальныя справы трапілі выкладчыкі Пінскага дзяржаўнага аграрна-тэхнічнага каледжа, паведамляе прэс-служба УУС Берасцейскага аблвыканкама.
Паводле звестак аператыўнікаў, яны атрымлівалі ад студэнтаў хабар за здачу экзаменаў і кантрольных. БелТА ўдакладняе, што ў хабарах падазраюць дзесяцёх выкладчыкаў. На іх распачалі 15 крымінальных спраў. Усяго выкладчыкі атрымалі грошы і матэрыяльныя каштоўнасці на суму 3235 рублёў.
Некаторым ужо выстаўлены абвінавачанні, а іх справы накіраваныя ў суд горада Пінска і Пінскага раёна.