Стала вядома, якім будзе надвор'е да канца тыдня

Прагноз на найбліжэйшыя некалькі дзён.

На гэтым тыдні праз атмасферныя франты ў многіх раёнах Беларусі было халоднае і дажджлівае надвор'е. Іх уплыў захаваецца і ў суботу, але затым надвор'е палепшыцца: дажджоў будзе няшмат і стане цяплей. Пра гэта tut.by распавялі ў Белгідрамеце Мінпрыроды.

11 траўня, у суботу, надвор'е будзе няўстойлівае, уначы пераважна на ўсходзе краіны, раніцай і ўдзень большай частцы тэрыторыі пройдуць дажджы, магчымыя навальніцы. Уначы і раніцай у асобных раёнах слабы туман, месцамі на паўночным усходзе рэспублікі чакаюцца моцныя дажджы. Тэмпература паветра мінімальная ўначы +5...11°С, максімальная ўдзень +11...17°С, на паўднёвым захадзе паветра прагрэецца да +21°С.

У нядзелю надвор'е будзе вызначаць цёплая няўстойлівая паветраная маса. Месцамі ў краіне пройдуць кароткачасовыя дажджы, у дзённыя гадзіны ў асобных раёнах прагрымяць навальніцы. Уначы і раніцай месцамі слабы туман. Тэмпература паветра мінімальная ўначы +3...10°С, максімальная тэмпература ўдзень +16...23°С.