Пяць вядомых навукоўцаў, якія верылі ў іншапланецян

Тэма іншапланетных цывілізацый заўсёды выклікала ў людзей павышаную цікавасць, а часам нават захапленне.

Джэры Эйман , у 1977 зафіксаваў незвычайны сігнал з космасу, на раздрукоўцы звестак зрабіў эмацыйную пазнаку «Wow!», дзякуючы чаму гэта з'ява і атрымала сваё імя. Больш wow-сігнал зафіксаваць не атрымалася, затое з тых часоў размовы аб іншапланетных цывілізацыях не абыходзяцца без яго згадкі. Kp.ru распавядае яшчэ пра 5 даследчыкаў, якія верылі, што жыццё на іншых планетах існуе і спрабавалі гэта давесці.

Гульельма Марконі

Радыётэхнік і прадпрымальнік з Італіі, які разам з навукоўцам А.С. Попавым з'яўляецца адным з першых вынаходнікаў радыё, быў перакананы, што іншапланетныя цывілізацыі не толькі існуюць, але і гатовыя выйсці на кантакт з чалавецтвам.

Яшчэ ў самым пачатку сваіх даследаванняў Марконі запэўніваў, што з дапамогай радыёсігналаў збіраецца звязацца з іншапланецянамі, якімі б яны ні былі. А ў 20-х гадах мінулага стагоддзя навуковец здзівіў усіх заявай, што яму на самай справе атрымалася прыняць сігнал з Марса! Абмеркаванні так званай Чырвонай планеты сапраўды былі папулярныя ў той час - шмат хто лічыў, што раз Марс старэйшы за Зямл, то і цывілізацыя там больш развітая. Але, нягледзячы на гэта, грамадскасць не паверыла ў фіксацыю сігналу Марконі. Пра яго нібыта поспех выходзілі саркастычныя артыкулы ў СМІ, а адным з галоўных скептыкаў у гэтым пытанні стаў Нікола Тэсла, які таксама спрабаваў звязацца з іншымі планетамі.

Нікола Тэсла

Сербскі вынаходнік у галіне электратэхнікі і радыётэхнікі заяўляў, што ўлавіў сігнал з космасу: іх крыніцай быў Марс, а адбылося гэта падзея на 20 гадоў раней, чым непацверджаны поспех Гульельма Марконі. У адрозненне ад калегі з Італіі, Тэсла фіксаваў сігналы рэгулярна і быў упэўнены, што атрымлівае пасланні ад людзей, якія жывуць на Марсе. Паўтор сігналаў навукоўцу з Сербіі не дапамог: ён не змог даказаць іх дакладнасць. Зрэшты, некаторыя даследчыкі яму паверылі, унёсшы толькі адну папраўку - яны палічылі, што Тэсла выйшаў на сувязь з Юпітэрам.

У 1976 на аўкцыёне амерыканскі пісьменнік і біёграф Цім Шварц набыў дзённік Ніколы Тэслы , з якога стала вядома, што сербскі навуковец вынайшаў унікальную радыёантэну, якая дазваляла яму падслухоўваць дыялогі прадстаўнікоў розных іншапланетных цывілізацый. Аднак, пазней дзённік у Шварца быў канфіскаваны спецслужбамі, і звесткі пра пазаземныя даследаванні Тэслы больш не абнародаваліся.

Стывен Хокінг

Хокінг - фізік-тэарэтык і касмолаг з Англіі - верыў не толькі ў існаванне іншапланецян, але і ў іх патэнцыйную небяспеку. Нават калі насельнікі іншых планет адправяць сігнал зямлянам - на думку Хокінга адказваць на яго не варта. Навуковец тлумачыў такую асцярожную пазіцыю тым, што жыхары Зямлі не знаёмыя з характарам суседзяў па Сусвету - не выключана, што такое няведанне справакуе канфлікт. Больш за тое, іншапланецяне могуць заразіць зямлян хваробамі, ад якіх у нас няма лекаў і якіх наш імунітэт супрацьстаяць не зможа.

Зрэшты, такія перакананні не перашкодзілі Хокінга ў 2015 годзе прыняць прапанову ад расейскага алігарха Юрыя Мільнера і далучыцца да праекту Breakthrough Listen. Праграма, на якую было выдаткавана 100 мільёнаў даляраў, прысвечана радыёпраслухоўванню больш за мільён зорак з мэтай пошуку сігналаў ад пазаземных цывілізацый. Праз два гады пасля старту, каманда праекта нават апублікавала прамежкавыя вынікі - ім удалося зафіксаваць 11 незвычайных сігналаў, але верагоднасць іх сувязі з іншапланетнымі цывілізацыямі вельмі малая. Дзейнасць арганізацыі прадоўжылася і пасля смерці Стывена Хокінга (даследчык памёр 14 сакавіка 2018 года).

Міхаіл Васін і Аляксандр Шчарбакоў

Нягледзячы на адсутнасць прамых доказаў існавання іншапланецян, гіпотэзы раней згаданых даследчыкаў ўсё ж такі знаходзілі сваіх прыхільнікаў. А вось тэорыя Міхаіла Васіна і Аляксандра Шчарбакова - сябраў акадэміі навук СССР - падалася абсурднай нават тым, хто не адносіць сябе да ліку спецыялістаў. Навукоўцы заявілі, што Месяц - штучна створаны аб'ект. Больш за тое, яны выказалі здагадку, што пад вонкавым «бранявым» пластом знаходзіцца ці то запоўненая механізмамі, ці то заселеная пустота. На думку Васіна і Шчарбакова, Месяц стварылі іншапланетныя істоты, пасля чаго так званы спадарожнік быў дастаўлены на арбіту Зямлі. Галоўны аргумент навукоўцаў заключаўся ў тым, што кратэры Месяца з улікам іх дыяметра з'яўляюцца недастаткова глыбокімі. Цалкам свае здагадкі даследчыкі выказалі ў працы «Месяц - тварэнне розуму», дзякуючы якой Васін і Шчарбакоў набылі папулярнасць, але не аднадумцаў.