Хакейнае менскае «Дынама» ўпершыню за доўгі час згуляе ў Кубку Беларусі
1- 21.05.2019, 18:19
- 7,734
Выканкам ФХБ зацвердзіў новы фармат Кубка Салея.
Турнір стартуе ў першы дзень жніўня і фінішуе 18-га чысла таго самага месяца, паведамляе pressball.by.
Формула правядзення зведае істотныя змены. Адно з найбольш прыкметных - у розыгрышы ўпершыню са старту ў чэмпіянатах КХЛ возьме ўдзел менскае «Дынама». На пару з новаспечанымі чэмпіёнамі Беларусі сталічным «Юнацтвам» «зубры» ўступяць у спаборніцтва на завяршальнай (паўфінальнай) стадыі.
Два спаборнікі сталічных фаварытаў вызначацца ў спрэчцы вялікай групы каманд (у тым ліку, магчыма, і замежных), якія ўступяць у барацьбу паводле характэрнай больш для футбола кубкавай сістэмы - у парах на выбыванне. Вырашальныя стадыі з удзелам менскіх клубаў будуць прадстаўляць сабой «турнір чатырох», які мяркуецца правесці на адной арэне.